Part #1 Jakarta

Allereerst mijn oprechte excuses, vanaf nu zullen de verhalen in het Fries zijn. Dit omdat mijn lieve reisgenoot nu eenmaal in het Fries denkt, droomt en schrijft. En ik dêrtroch no ek! Fanôf no sille we om en om wat sinnen skriuwe. In protte wille mei lêzen...


Dêr gongen we dan! Nei moannen fan tarieding ferruilden wy ôfrûne freed it Hollânske maaitiidswaar foar de hitte fan Jakarta. It switten op strjitte stiet echter yn kontrast mei de iiskâlde airko fan de taksi's, hostels en winkels. Se ha hjir airko en elk mei it witte. Dat klinkt miskien as ha we it dreech hjir oan de oare kant fan de wrâld, mar lit dat no júst net de bedoeling wêze. Efkes in koart oersjoch fan ús aktiviteiten oant safier.

Sneon stie foaral yn it teken fan ús oankomst yn Yndonesië, de tocht nei ús hostel en dêrnei bekomme fan de reis. Ûnderweis koene we wat wenne oan de geur, planten, it ferkear en de manier fan riden (ja oan beide kanten ynhelje mei!). Jûns ha we foar it earst fan it pleatslike iten en drinken priuwe mochten. Gelokkich kinst dit sels sa pittich meitsje atst wolst.
Snein ha we Jakarta ferkent en ha we it Monumen Nasional besocht en de wyk Batavia. Atst dy graach yn de sfear fan 'bekende stjer' wane wolst, dan moast hjir wat rûn rinne. Der binne hjir net in soad Westerse toeristen en dus falt ús wite hûd, de lingte fan DY en it blonde hier fan Imke op. En... ynteressant genôch foar in soad minsken om fêst te lizzen. Soms 'stikem' mar it leafst mei harren sels derby op fansels.
Neidat we in pinda-kaas-fondue ('gado gado') en in sandwich nei binnen ta wurke hienen mei Bea en Alex oan de muorre, ha we yn in spiksplinternije tuktuk werom nei ús hostel sjeest. 

Moarn tiid foar in lange treinreis...